Còia Maurreddina 25/07/2019

Funt 51 annus chi s’afestat custu rituali antigu, una còia religiosa chi sighit sa liturgia traditzionali de sa Crèsia Catòlica Apostòlica Romana.
Su mengianu de sa còia is isposus si bistint in “Sa Domu Antiga” fadendisì agiudari de is costumistas de sa bidda. Sa di’ de sa còia duas tracas a bois cuncordadas a festa portant a is isposus in prucessioni, cun s’acumpangiamentu de grupus folk e cuaddus de totu sa Sardìnnia. In sa Pratza Manna si fait sa missa, e apustis, cun su rituali de s’Àcua e de Sa Gràtzia, comenti si fait de generatzionis, si beneixint is isposus, po chi tengant sorti bona in vida e arrichesa, felicidadi e giudìtziu. A ùrtimu si segat su pratu cun “Sa Gràtzia”.